الرقم الصعب 4

 الرقم الصعب......(4)

,,,,,,,,,,,,,,,,,,,,

كان الباشا قد انتهى من رشف فنجان القهوة ..فاعتدل فى جلسته المسترخية ..وبادر الجميع بسؤاله:

- هل تتوقعون أن ينجح الاخوان فى تحقيق أهدافهم؟

- راضى بك :- هم نجحوا بالفعل ..وماشيين فى أخونة الدولة..والتمكين لأتباعهم..وابعاد معارضيهم ..وتطبيق الفاشية الدينية بصورة بشعة ..شوف الاعلان الدستورى الاخوانى ..شئ مخيف

- د. خالد .. كل ممارسات الاخوان الخطيرة ..ما ظهرتش كلها ..لأن ارتباطاتهم الخارجية جزء من منهجهم وعقيدتهم .وحكمهم لمصر مجرد مقدمة وبداية لمشروعهم الكبير اللى الغالبية ما تعرفش حاجة عنه..ولا عن حلفائهم خارج مصر..مشروعهم يناقض الوطنية المصرية ..وأهدافهم ليست فى صالح الشعب المصرى ..وهى ضد حركة التاريخ والتطور السياسى والاجتماعى..وكفاية انها بتقوم على استغلال الدين والاتجار به لتحقيق الغايات السياسية ..يعنى تسييس الدين ..مش تديين السياسة ..زى ما بيدعوا ,,

- راضى بك:- لكن يادكتور الشعب هو اللى اختارهم فى الانتخابات ..لأن الشعب متدين ..

ثم ضحك وهو يواصل كلامه:

شوف الناس سابت دقونها عشان تجاريهم ..كلهم بقوا اخوان ..

- د. خالد :- الديمقراطية مش مجرد صندوق انتخابات ..دى ثقافة متكاملة ..ومجاراة الناس للاخوان مش معناه انتماؤهم وايمانهم بمشروع الاخوان ..المسألة دى لها علاقة بأن الناس عايزة تمشى أمور حياتها ..الناس ها تعرف الاخوان على حقيقتهم بالممارسة ...

قاطعه الباشا قائلا:- هى دى ..

الاخوان كان لازم يحكموا عشان ينكشفوا ..والناس ما تبقاش مخدوعة فيهم طول الوقت ..

الهانم :- وبعد كدا..ايه اللى ممكن يحصل ؟!هيفضلوا كابسين على نفسنا طول العمر ..وموقفين مراكبنا السايرة..

الباشا:_الناس ها تتخلى عنهم وترفضهم..الدولة واعية لهم جدا ..وهاينزلوا من ع الكرسى ..

مجدى بك وكأنه يطلق نكتة:- قوم ايه ..شوية العيال الثورجية يخدوها مقشرة ؟!

الباشا:_أمال احنا فين يابك ..ودورنا ايه فى البلد ..؟

الأخوان يفشلوا ,,والثورجية يشتتوا ..ويغوروا ..والأوضاع تستقر ..والأمور تبقى تحت السيطرة..

اتخذ الدكتور خالد سمة الجدية ؟؟وقال موجها كلامه الى الباشا:

- معالى الباشا :عندى وعند الكثيرين علامة استفهام كبيرة ..ياريت ألاقى عند معاليك اضاءة ..

احنا متفقين على أن الاخوان مش جديرين بحكم مصر ..الناس اللى انتخبتهم على أساس أنهم بتوع ربنا وها يعدلوا المايلة فى العهود اللى فاتت ..مش كانوا عارفين حقيقة الاخوان ..لكن أجهزة الدولة المعنية عارفه كل حاجة عنهم ..

طيب ليه عند الناس احساس كبير بأن الأجهزة دى ساعدت الاخوان ..ومهدت طريقهم للوصول للسلطة ..وانحازت معاهم ضد القوى السياسية فى المجتمع؟

تقمص الباشا الدور الذى يحبه ..وأجاب بالطريقة التى يهواها:

- اسمع يا دكتورنا العزيز ...

- لما سفط مبارك ..كان الكل فى حالة ارتباك ..حتى أجهزة الدولة ..حتى اللى بيسموا نفسهم ثوار ..ما كانوش منظمين ..ولا عارفين هم عاوزين ايه بالتحديد ..وما لهومش قيادة ..بعكس الاخوان ..اللى انتهزوا الفرصة وركبوا الثورة ع الجاهز ..

الاخوان طمعوا وشافوا ان دا الظرف المناسب للانقضاض على كل شئ ..وتصوروا انهم يقدروا ..

الحقيقة كانت غير كدا ..واحنا كنا عارفين ..شدوا الحبل ..احنا سيبنا لهم الحبل ..واحنا عارفين انهم هايشنقوا به نفسهم ..!!

- الهانم ..لكن هم تمكنوا منا وخانقين البلد ..ومش باين حاجة تانية ..

- الباشا بثقة :- بكرة نشوف..!!

.................................*****************************

الرقم الصعب ....فى اللقاء القادم